Tuesday, December 11, 2007

هوة بالعافية؟

للعام الثالث على التوالي يتكرر هذا الفصل "البايخ" و "المخجل"..

يُعلَن اليوم الفلاني غرةً لذي الحجة ، ثم بعد قليل نكتشف جميعاً أنه اليوم الثاني من نفس الشهر.. لأن شخصاً "ما" رأى الهلال في الوقت الذي عجزت كل الأجهزة وكل الأقمار الصناعية عن رؤيته في الوقت المحدد!

وطبعاً لابد أن تُعدَّل كل الأمور في الدول العربية والإسلامية الأخرى للاحتفال بعيد الأضحى المبارك في موعده الجديد ..

وطبعاً يهش ويهلل البعض منا لهذا الهراء.. معتقدين ، أو صور لهم بعض الناس ، أنه رمز "لوحدة المسلمين"..

يا سلام!..

ما هي فائدة أن نتوحد على هلال شهر سواء أكان رمضان أو ذي الحجة؟ خاصةً إذا كان "مضروباً" ومشكوكاً في صحته ولا يأخذ بالأحوط ضارباً عرض الحائط بقاعدة أصيلة في الفقه الإسلامي ، أو إذا كان قد ثبت بحسابات فلكية "على أعلى مستوى" قد يكون مشكوكاً في دقتها ، أو بنظريات غريبة كالتي تتبع في "بلدان عربية بعينها"؟

إذا كنا نعتبر وحدة رؤية الهلال مقياساً لوحدة "الأمة" .. لماذا لم نفكر في توحيد الأساس الذي يُرى عليه الهلال ثم تأتي النتيجة بعد ذلك؟ وإذا كان هناك من يلطم ويعدد على "الحدود المصطنعة" التي صنعها الاستعمار والمش عارف إيه ، فإن هناك شيء اسمه الجغرافيا ، صنعه الله عز وجل ، الذي هو بكل خلق عليم ، ويمكن بمقتضاه (=الجغرافيا) أن تختلف رؤية الهلال في بلد كـ"قطر" عنها في "المغرب" عنها في "إندونيسيا"..

وما دام حلبسة بحلبسة ، لماذا لم يقترح علينا بعض ممن يرى في وحدة الأهلة مقياساً لوحدة العالم الإسلامي أن نوحد مواقيت الصلاة خصوصاً في شهر رمضان داخل العالم الإسلامي؟ ولتذهب في ستين داهية فروق التوقيت بين دبي والرياض والقاهرة وتونس والدار البيضاء وكراتشي!

وحدة المسلمين ليست بوحدة الأهلة ولا المطالع ..تكفي نظرة دقيقة لأحوال مليار مسلم في ست قارات.. كل عام وأنتم بخير قبل أن نفاجأ بأن وقفة عرفات ستكون يوم الأربعاء القادم!

13 comments:

عصفور المدينة said...

حول هذا الموضوع أهديك هذا الموقع
http://www.moonsighting.com/
واقرأ المقطع ده

The Astronomical New Moon is on Sunday December 9, 2007 at 17:40 Universal Time (i.e., 12:40 pm EST, and 9:40 am PST ).

This crescent moon is impossible to be seen anywhere in the world on Sunday, December 9.

On Monday, December 10, 2007, it is sightable in Australia, Part of Africa, and Americas (e.g., in San Diego, CA at sunset, the age is 31 hours, and moon is setting 44 minutes after sunset). Accordingly, 10th of Dhul-Hijjah (Eidul-Adha) in North America is expected to be on Thursday, December 20, 2007, Insha-Allah.
OFFICIAL Day of Eid-al-Adha in Different Countries

December 19, 2007 (Wednesday):

1. Bahrain (Follow Saudi Arabia)
2. Egypt (Follow Saudi Arabia)
3. Kuwait (Follow Saudi Arabia)
4. Libya (Follow Saudi Arabia)
5. Qatar (Follow Saudi Arabia)
6. Saudi Arabia and those countries who follow Saudi Arabia
7. UAE (Follow Saudi Arabia)
8. USA and Canada (Fiqh Council & Islamic Society of North America)

December 20, 2007 (Thursday):

1. Guyana
2. Mauritius
3. South Africa
4. Tanzania
5. Trinidad & Tobago

December 21, 2007 (Friday):

1. Australia
2. India
3. Iran
4. Morocco
5. Pakistan
6. Senegal

بنت القمر said...

اولا ليك التحيه تانيا اعلمك بمتابعتي بشده لمدونت هذه تالتا مواضيعها تشرف ماي ريدر دائما لما فيها من قيمه تالتا برضه
بص علي ماي اولدر بوست
http://bp3.blogger.com/_7p4kU28T60A/RumV6GhEjzI/AAAAAAAAAGI/K7HO0MEjfZ0/s200/images%5B80%5D.jpg

قلم جاف said...

العزيزة بنت القمر :

شكراً على إضافتي ، وأتمنى أن تكون "الدين والديناميت" ضيفاً خفيفاً على الريدر..

قلم جاف said...

عزيزي عصفور المدينة :

قلبك أبيض .. ما هوة دة اللي حصل في السنتين اللي فاتوا..

المسخرة إن محدش اتكلم عن الموضوع دة في سابقته الأولى ، وبعد ما حصل الموضوع مرتين ورا بعض افتكروا (آآآآه الهلال طلع غلط.. ياخرابي ياخرابي .. ياخرابي يا عرابي)!

وخير دليل على دة اللي اتنشر النهاردة على رئيسية المصري اليوم في جملة عن "ارتباك" فضيلة المفتي بسبب نتيجة الهلال..

عموماً بالطريقة دي أعتقد إن نتيجة رؤية هلال رمضان السنة الجاية حتبقى واحد صفر!

الرابط الهام اللي انت جبته ممكن الواحد يستنتج منه كام مسخرة صغيرين:

1-ليبيا كانت أول دولة قالت إن الهلال حيظهر عكس العالم كله..

http://www.wam.org.ae/servlet/Satellite?c=WamLocAnews&cid=1195805611588&p=1135099400245&pagename=WAM%2FWamLocAnews%2FW-T-LAN-FullNews

ودي أول مرة في التاريخ ليبيا والسعودية يتفقوا على حاجة غلط!

2-يمكن تفهم إن المغرب تعيد الجمعة لو حتعيد الجمعة فعلاً وعذرهم الجغرافي معاهم والشيء نفسه بالنسبة للسنغال.. لكن ليه الهند والسنغال وإيران؟

إيه اللذاذة دي؟

tota said...

عزيزى قلم جاف
ايه ده مش لما جاليلو قال زمان ان الارض كروية اتهموه بالهرطقة وكانوا هيحرقوه لولا رجع فى كلامه
يبقى احنا كمان لازم نرجع فى كلامنا ونسمع كلام الحكومة ومنحكمش عقلنا خالص علشان اللى عنده عقل اليومين دول وكمان بيشغله بتكون اخرته ملهاش لون
يعنى لو قالوا ان الوقفة اى يوم حتى لو كانت فى شعبان محدش يتكلم والاتحاد قوة ونتحد فى الحاجات دى لكن فى حاجات لا ومنزعلش من اى حد بيكيل بمكيالين علشان احنا بنعمل كده وده بقى طبيعى جدا
فى لبس فى معانى كتير عندنا ومفاهيم كبيرة بنسطحها بصورة مهينة ومخجلة لا تتناسب مع ما كان عليه علم وعلماء الاسلام قديما ومش قادرة خلاص اقول حديثا لان الفتاوى المخجلة اضفت صورة معتمة على حال الاسلام والمسلمين
رحمة الله فوق كل شىء ولا نبغى غيرها الان
تحياتى

عصفور المدينة said...

:)

Azhary said...

قلم جاف
المشكلة مش في رؤية الهلال, المشكلة في العقول اللي مصممة وأحنا عارفين هما قاعدين فين طبعا (أكيد مش في السعودية وما حولها طبعا)علي انه لازم يكون الرؤية بالعين المجردة قصاد قاضي شرعي وكمان يحلف علي المصحف وياخد سرة الدنانير , بصراحة انا لو مكان الراجل اللي بيشوف لو فرجوني السرة و طلعوني في رجب وسألوني هاقول الهلال طلع وبدر كمان (الكلام ده لاغبار عليه بس زمان علشان دي كانت الوسائل المتاحة)
بس انا اللي مستغربله ان المفتسي بتاعهم مش واخد باله من الغساله اللي في بيته والتلاجة والتلفزيون والعربية اللي بيركبها والطيارة اللي بتسفره والبلاي استيشن 3 اللي عند الواد ابن الجيران و الموبايل وهلم جره وعارف الحاجات دي مكانتش موجودة زمان بس عامل نفسه مش واخد باله وبيستعملها ومبيقولش لأ
لكن لسه موصلتلوش المصيبة اللي مضطر اقولها واللي يحصل يحصل ان الفرنجة اخترعوا نضارة كبيرة بتشوف الحاجات البعيد أوي اسمها التلسكوب واكيد هما هناك خايفين يقولوا علشان الراجل ميسورقش فيها ويعرف الحقيقة المرة ؟؟؟؟؟
أنا شايف أن العالم دول أغبيا ولازم نطبق عليهم القانون العالمي الشهير في مصر: الغبي لازم يموت

dreamer said...

لا أعلم إذا كان يجب على فروق التوقيت أن تذهب بستين داهية...ففروق التوقيت ليست عامل تفرقة و هذا واضح المسألة شرعية إذا شرقت الشمس نصلي هذه الصلاة و إذا إنتصبت و إذا غربت و إذا إشتد سواد اليل و هكذا
هل سيشكل ذلك خيبة لمسلمين الشرق أن تخبرهم ان توقيتك مختلف عن توقيتهم مثلا
و أشكرك على هذه المدونة الديناميتية و أتمنى أن أقرأ لك المزيد
و شكرا لك

Leonardo said...

كل سنه وإنت طيب ياعزيزى قلم جاف :)


مش عارف بيتهيألى الموضوع مالوش علاقة
بالتخلف والرجعيه أو العلم والحاجات دى
بيتهيألى الموضوع أصله الكبر بكسر الكاف وتسكين الباء
...
...

قلم جاف said...

ليو:

كل عام أنت والجميع بألف خير .. وعذراً للتأخير..

للكبر والغرور دور في ذلك ، إلى جانب علاقة أغلب المذاهب "المستنيرة جداً" بالعلم وسنينه!

قلم جاف said...

الأزهري:

بما أن هناك مبادئ في الفقه تشير إلى ضرورة اجتناب الشبهات قدر المستطاع..لماذا لم يتم إعمالها؟

أنا شايف حاجة في السما بس مش متأكد إن كانت الهلال ولا عطارد (وحصلت بالمناسبة) .. إزاي أتأكد؟

في زمن الرسالة ما كانتش فيه وسيلة تأكد لي .. دلوقت بقت فيه..

الأريح لقلبي إن التقنيتين يستخدموا ، أعتمد الحساب الفلكي جنب الرؤية ، بحيث إن الحساب يأكد الرؤية ، وتبقى الرؤية مسئولية جهة رسمية حكومية مش أفراد ، لإن الجهة الحكومية أكيد حيبقى عندها تلسكوبات أنضف وأحدث وتقنيات أكثر تطوراً لرؤية الهلال بدلاً من الوقوف فوق السطوح!

قلم جاف said...

دريمر:

اللي قلته مهم، بس مين يفهم؟

الموضوع دة بيفكرني بحاجة كتبتها في سياق آخر في "فرجة" بعنوان "مصر هي أمك يا علي"!

هات أي حاجة اعملها رمز ، هات أي مظهر واعمله رمز ، وبعد كدة بقى حطله معنى على أقل من مهلك..

وحدة رؤية الهلال أو وحدة مواقيت الصلاة من رابع المستحيلات إنها تبقى رمز لوحدة المسلمين.. بدليل إن فيه مسلمين بيكفروا بعض بيصوموا مع بعض في نفس التوقيت.. ولما حد يكتب كدة في كتاب هوب تلاقيه اتصادر واتقال فيه وفيه!

قلم جاف said...

العزيزة توتا و ضيفي دريمر :

ح أزيدكم من الشعر بيت ..

على رئيسية روزا بعد الموضوع دة بكام يوم كاريكاتير صغير لعمرو سليم فيه عسكري إسرائيلي بيقول ما معناه : إزاي حيتوحدوا في مواجهتنا إذا كانوا مش عارفين يوحدوا رؤية الهلال..

البعض في الصحافة ممن يدعون الاستثنارة مع اللي عايزين يدوا عقولنا أجازة ، وبيلعبوا على عاطفيتنا وبياكلوا بينا وبأدمغتنا حلاوة.. يااا حححححلاوة (مع الاعتذار لمظهر أبو النجا)!